CHARLIE
KINABUKASAN ay maaga pa rin ako nagising kahit pa nga ba halos hindi rin ako nakatulog dahil sa malalim na pag-iisip tungkol sa nangyari kagabi. Bagama't naging maayos na ang lahat sa pagitan namin dalawa ni Kaleb ay nais ko pa ring dumistansya sa kanya. Malinaw na sa akin na pinili niya si Stephanie. Kaya naman ang tanging magagawa ko na lang ay ang umiwas upang hindi na mas lalong gumulo ang sitwasyon.
Dahil sa mansyon ng kaniyang mga magulang nagpalipas ng gabi si Kaleb, malaki ang tsansa na maaaring magkasabay kami papasok sa opisina. At hangga't maaari ay gusto kong maglagay ng distansya sa pagitan naming dalawa. Ayaw ko kasing bigyan ng pagkakataon ang aking sarili na muling umasa na mayroon pang natitirang pag-asa para sa aming dalawa. Ang gusto ko na lamang gawin ngayon
