CHARLIE
MATAPOS naming mananghalian ay muli na kaming bumalik kaniya-kaniya naming trabaho. Hindi na ako muling inistorbo ni Kaleb upang ipagtimpla siya ng kape. Hindi ko matukoy kung dapat ba akong matuwa dahil pag distansya niya sa akin. Ngunit may parte ng aking utak ang hindi maiwasang malungkot dahil aminin ko man o hindi, muling nabuhayan ng pag-asa ang aking puso nitong mga nakalipas na araw dahil na rin sa biglaang pagbabago ng kilos ni Kaleb.
Mula kanina ay hindi pa rin lumalabas si Kaleb sa kaniyang opisina. Hindi ko sigurado kung may kinalaman ba iyon sa biglaang pagpunta ni Stephanie kanina at ang pag-walk out nito.
Pinipigilan ko naman ang aking sarili na kumustahin ito. Ayaw ko ring ipahalata rito na apektado pa rin ako sa mga bagay na kinalaman sa kaniya.
Dumating ang or
