“Nikolai, bakit basta mo na lang hinayaan na makalabas ng bansa si Aaliyah at ang mga bata? Anong silbe ng DNA test result kung wala ka naman pa lang ginawa?” tanong sa kaniya ng pinsan na si Jade.
“Dahil sa ngayon ay iyon ang tama, ayaw ko munang gumawa ng hakbang upang mas lalo pang dagdagan ang galit niya sa akin. Nakita mo naman siguro kung paano niya ako titigan sa loob ng korte matapos naipanalo ang kaso ko, kulang na lang ay kainin niya ako ng buhay.”
“Sabagay may point ka ang akala ko nga lalapitan ka niya upang sampalin eh, by the way anong plano mo ngayon?”
“Back to normal, Sa ngayon ay marami palaisipan sa akin kagaya na lang kay Brian, ang biglaan niyang pagkawala sa ospital no’ng unang araw na dinala ako ng mga pulis sa presinto. Ang mga CCTV ay naka disconnect ng mga oras
