Araw ng hearing, magkatabing nakaupo si Allanah at Aaliyah, sa kabilang side ay ang mag-ama na Ramirez. Sa bawat sulyap ni Aaliyah sa asawa ni Nikolai Montemayor, kulang na lang ay matunaw siya sa talim ng tingin nito sa kaniya.
“Huwag mo silang tingnan,” narinig niyang utos ng kapatid kaya napatango na lang siya.
Hindi nagtagal ay nagsimula ang hearing at sa bawat tanong ni Atty. Montemayor sa katunggali ay halos magsisigaw si Beary sa sobrang galit. Samantalang kung pagmamasdan ang kanilang kupunan ay relax lang na nakikinig. At nang isalang na sa stand si Favio Ramirez ay tila nakakaloko pa ang pagkakangiti nito sa kanila. Kaya naman pala ay kumpleto ang mga witness at hindi nila maiwasan ang mangamba. Subalit malaki ang tiwala nila kay Atty. Lath Montemayor, kaya sinisikap na kumalma
