DAHIL may balak naman nang magtungo si Athena at Lucas pabalik sa Batangas ay sinabi na lamang nila sa doctor na si Andy ang araw na maari sila nitong makausap. Hindi naman nagmamadali ang doctor sa kabila ng tila kahalagahan ng bagay na nais nitong sabihin kay Athena. Ganoon pa man ay mas inuna pa ring isipin ni Athena ang pagpapagaling ni Lucas. Nang sumunod na araw ay pumasok siya sa opisina upang asikasuhin lamang ang ilan sa kaniyang trabaho. Hindi niya nakita ang kahit na anino man lamang ni Gil o ng abogado ng kaniyang yumaong ama na si Attorney Imperial. Hindi mababago ang inis at galit na nararamdaman niya para sa dalawang tao na iyon. Nais niyang tanggalan ng trabaho ang abogado sa ginawang panloloko at bigyan naman ng leksyon si Gillermo Sebastian dahil sa kasuklaman nito.
Pag
