KALMADO na ang lahat. Mabigat ang kalooban ni Lucas ngunit hindi niya nais na ipakita pa kay Athena ang parehong sakit dahil lalo lamang itong mahihirapan. Tuyo na ang mga luha sa kaniyang pisngi ngunit kay lalim pa rin ng isip. Paulit-ulit niyang tinatanong kung bakit. Bakit ito nangyari? Ngunit batid niyang wala siyang makukuhang sagot. Dinampian niya ng halik ang noo ni Athena na patuloy na humihikbi sa kaniyang tabi. Magkayakap sila at nakahiga sa kama. Ilang araw niyang pinagdusahan ang mga araw na hindi ito kasama. At ngayong nasa kaniyang mga bisig na muli ay puno naman ng paghihinagpis at hindi niya batid kung papaano ito tutulungan, dahil maging siya ay hindi kayang alisin ang hapdi na nararamdaman. It was a true pain that he never want to feel again. Not to another lost. Nais niy
