NAKIPAGMATIGASAN si Athena sa kaniyang sarili patungkol sa pagnanais niyang makita si Lucas. Hindi niya nais na mapahiya sa lalaki kung totoo ngang hindi siya pakay nito sa gusali. Sa kabilang banda ng pakikipagmatigasan sa sarili ay nagawa niya pa ring silipin ito nang bumaba siya sa lobby at makumpirma naroon nga ang lalaki at tila mayroong hinihintay. Ngunit kung sino man ang hinihintay nito ay hindi siya interesado, lalo na kung hindi siya iyon. Isang beses niya lamang iyon tinignan at hindi na inulit pa. Inabala niya ang sarili sa napakaraming trabaho sa opisina, lalo na at tuluyan na siyang nakabalik.
Kailangan na lamang maging opisyal ang kaniyang pagbabalik sa isang magarbong pagdiriwang. Kaya naman ipinaasikaso niya na iyon kaagad sa mga empleyado. Inabot siya ng alas nuebe ng g
