KAAGAD na narating ni Lucas ang Maynila nang mag-isa. Hindi niya na hinintay pa ang pahintulot ng ama upang kaagad na puntahan si Athena. Hanggang sa mga oras na iyon ay nag-aalala siya sa dalaga, maging sa kanilang anak. Hindi na siya nagdalawang isip pang diretsong magtungo sa bahay ng mga Nova. Pinihit niya ang door bell at isang kasambahay ang bumungad sa kaniya. “Magandang umaga ho.” Ngumiti ito nang makilala siya at agad na pinagbuksan ng pintuan.
“Nariyan ba si Athena?” hindi na siya tumuloy pa, bagkus ay nagtanong muna.
Umiling ang kasambahay. “Naku, wala ho, Sir. Kapapasok lang sa opisina. Puntahan n’yo na lang po sa NovaTech. Tamang-tama ho ang pagdating n’yo. Napakalungkot kasi ni Ma’am Athena nitong nagdaang araw.” Malalim itong bumuntong hininga.
“B-bakit?” Hindi niya al
