MABILIS na inilayo ni Nova ang kaniyang palad mula sa pagkakahawak ni Lucas nang makababa sila sa sala at maabutan doon si Aling Res at Annie na naglilinis. “What are you doing?” mahinang bulong ng lalaki sa kaniyang tenga. Talagang lumapit pa ito kaya naman pinamulahan siya ng pisngi. “Tsk!” Muli nitong kinuha ang kaniyang palad at sa pagkakataong iyon ay mas mahigpit na.
“L-Lucas…” Pinakatitigan niya ito. Kahit anong pilit niya ay hindi nito binibitawan ang kaniyang palad.
“We’ve talked already.” His eyes narrowed.
Malalim siyang bumuntong hininga.
Samantala tuwang-tuwa naman si Annie at Aling Res sa maliit na pagtatalo nilang dalawa. Ngunit hindi nagpahalata ang mga ito. “Magandang umaga po, Senyorito Lucas, Ma’am Nova,” bati ni Annie at ngumiti, “Nakahanda na ho ang pagkain sa d
