MARAHANG bumaba ng sinasakyang speed boat si Athena habang inaalalayan siya ng asawa. Hawak-hawak niya ang bilugang tiyan. Anim na buwan na siyang buntis at ngayon lamang muli naitapak ang mga paa sa puting buhangin ng Isla Elysian. Higit isang taon kasi silang naging abala ng asawa sa pinatatakbong kumpanya sa Maynila at ngayon lamang napagdesisyunang magtungo sa isla upang magbakasyon at doon na rin manganak. Ipinaubaya muna nila ang kumpanya sa ilang tao na kanilang pinagkakatiwalaan hanggang sa siya ay makapanganak. “I miss this place so much. Hindi ko akalaing makababalik ako ulit dito.” Inilibot niya ang paningin sa buong paligid. Walang ipinagbago ang isla. Ganoon pa rin ito gaya ng dati.
“And I think there were two persons who missed you too.”
Tumingin siya kay Lucas. Nakatingi
