ANG MGA halik ni Lucas ang gumising kay Nova mula sa malalim na pagkakahimbing. “Good morning. Ayokong abalahin ang tulog mo pero kailangan,” bungad na wika nito sa kaniya at ngumiti. “Kailangan na nating bumalik sa Elysian.” Nakabihis na ito, samantalang siya ay nababalot pa rin ng makapal na kumot. Inilibot niya ang paningin sa palingid. Pasikat na ang araw at bahagya pa ring madilim ang buong paligid. Nakatunghay ito sa kaniya at pinagmamasdan lamang siya.
“Anong oras na?” Itinaas niya ang kumot hanggang sa kaniyang balikat nang maramdaman ang lamig ng paligid.
“Five thirty.” Marahan nitong hinaplos ang kaniyang buhok. Nakahiga ito sa kaniyang tabi, nakatagilid paharap sa kaniya at sapo ng kanang braso ang uluhan. “I'm excited to go home.”
Tumango siya at ngumiti.
“I'm sorry, in
