MAHIGIT dalawang oras tumagal ang naturang pagpupulong na dinaluhan ni Lucas sa loob ng conference room sa kaniyang opisina. Nang matapos ay isa-isang nakipagkamay sa kaniya ang mga bisita at nakasama sa pagpupulong. Naiwan siya sa loob kasama ang sekretarya ng ama at ang pinsan na si Gil. “I need a hard copy of the previous presentation.” Iniabot niya kay Trish ang isang flash drive.
Tumango ang sekretarya. “Mauna na po ako.” Nang tumugon siya ay kaagad itong lumabas ng silid. Naiwan sila ni Gil nang magkasama sa loob, magkatapat ang upuan.
Inabala niya ang sarili sa kaharap na laptop. Malalim siyang bumuntong hininga dahil sa pagod na nararamdaman.
Napansin naman iyon ni Gil. “You don’t look okay. Why don’t we have our lunch outside?” Isa-isa nitong inaayos ang mga papeles na nakap
