NAMOMROBLEMA ngayon si Lucas at hindi malaman ang dapat gawin. Bukod sa problema niyang pinansyal ay nag-aalala rin siya sa kalagayan ni Athena. Kung paano niya sasabihin dito ang biglaang paghinto sa trabaho dahil sa pagbubuntis. Paano nito mababawi ang kumpanyang pagmamay-ari ng pamilya nito mula sa paunti-unting pagkamkam ni Gil? Malalim siyang bumuntong hininga at nakita iyon ni Athena. Ngayon ay nasa harap sila ng hapag-kainan ngunit ang kaniyang isip ay tila lumulutang. Pinahihirapan lamang siya lalo ng ama. Kung talagang mahal siya nito ay hindi nito iyon gagawin sa kaniya, lalo na at nag-iisa lamang siyang anak. Paano kaya kung kausapin niya ito? Makikinig kaya ang ama? O sarado na ang isip nito dahil sa panlalason ng mga salita ni Gil?
“Anong problema?” tanong ni Athena na ibina
