NANG MAGMULAT si Lucas ng mga mata ay bumungad sa kaniya ang pamilyar na ceiling ng isang silid. Namilog ang kaniyang mga mata nang may maalala at dali-daling bumangod mula sa pagkakahiga sa malambot na kama. Nang tumayo siya ay saka niya napagtanto na nasa loob na siya ng sariling silid. Sariling silid sa loob ng isla ng Elysian. Isa lamang ang ibig sabihin nito. Nakabalik na siya sa Elysian, subalit ano ang nangyari? Bakit wala siyang maalala? Naupo siya sa gilid ng kama at inilibot ang paningin sa buong silid. Hindi nga siya nagkamali. Nakabalik na siya sa Elysian subalit mayroong mali at hindi niya malaman kung ano.
Kumunot ang kaniyang noo nang makita ang mga bakal na nakaharang sa labas ng salamin na bintana. Tumayo siya at lumapit doon. Wala naman ito noon at sa pakuwari niya kung
