SINIGURADO muna ni Lucas na nasa maayos nang kalagayan si Athena bago siya pumayag na hindi na ito dalhin pa sa ospital, gaya ng pakiusap ni Athena. Ayaw kasi nitong masira ang inilaan niyang kanilang araw ngayon nang magkasama. Pareho nilang nais makasama lamang ang isa’t isa ngunit duda pa rin siyang wala lamang ang biglaang pagkawala nito ng malay. Ngayon ay nakaupo na ito nang diretso sa sofa ngunit tahimik pa rin. Pinakikiramdaman ang sarili.
“Are you really fine?”
Tumango ito. “Oo, Lucas. Huwag ka nang mag-alala.” Ngumiti at yumakap sa kaniyang baywang. Inihilig nito ang uluhan sa kaniyang dibdib.
“Paanong hindi, Athena? You fainted, and that’s strange. Please, pumunta na tayo ng hospital.” Kinuha niya ang isang baso ng malamig na tubig sa ibabaw ng lamesa at iniabot dito.
“Ay
