MATAPOS nilang kumain nang hapunan ay inaya ni Lucas si Nova na maglakad sa dalampasigan. Dinala niya ito sa isang private resort na pagmamay-ari ng kaniyang pamilya. Nais niyang maging memorable ang gabing ito para sa kanilang dalawa. Kaya naman sinikap niya talagang maglaan ng oras para rito. Ipinasara rin ang buong resort gaya ng utos niya. “How do you feel? Bigla kang tumahimik,” wika niya na binasag ang mahaba nilang katahimikan. Ngayon ay magkahawak ang kanilang kamay at naglalakad sa tila isang mahabang paraiso.
“Napansin ko lang na walang katao-tao simula nang dumating tayo rito. Anong mayroon?” Inilibot nitong muli ang paningin sa paligid. “Baka naman nagkamali tayo ng pinasukang resort, Lucas.” Gumuhit ang pag-aalala sa mukha nito.
Dahil doon ay natawa siya. “No, we’re not. Are
