Nasapo ni Meiryn ang noo at naluha na naman. Pati heart surgery na very immediate ay hirap na hirap din siyang ibigay ngayon sa kanyang ama! Saan siya kukuha ng malaking halaga na hinihingi ng hospital bilang deposito? May mga naipon nga siya mula sa sariling bulsa at sa mga pinahiram ng mga kaibigan niya pero hindi pa rin sapat ‘yon.
Kailangang-kailangan nang maoperahan ang daddy niya kung gusto pa niyang madugtongan pa ang buhay nito!
“Mei…” Sa muli ay marahang alo sa kanya ni Grant saka nagpatianod siya nang igiya siya nito paupo sa silya dito pa rin sa labas ng ICU kung saan kasalukuyang naroon ang ama niya.
“Hindi ko na alam ang gagawin ko, Grant,” iyak niya. “I don’t wanna lose him yet…”
“And you won’t lose him, Mei. Magtiwala ka lang. Maniwala ka sa daddy mo. Lumalaban siya para
