"HUWAG kayong magtutulakan, ah? Hinay-hinay lang at lahat kayo mabibigyan. Nagdala ng food and toys ang ate Meiryn para sa inyong lahat kaya walang hindi mabibigyan, relax lang!" ang nakangiti at magiliw na sinabi ni Meiryn sa tumpok ng mga bata nang pumunta at bumisita siya sa bahay-ampunan para mamahagi ng mga packed food and toys para sa mga munting paslit.
"Opo, ate Meiryn," ang kuros at masunurin namang sunod ng mga bata.
Pumunta si Meiryn sa lugar na ito after office hours para kahit papaano'y magpalipas at magpahupa ng sama ng loob. Sumasaya kasi siya kapag tulad ng lagi ay nakakapunta siya rito at nakakapagpasaya ng mga bata, at kahit hanggang ngayong may pinagdaraanan at malungkot siya, somehow, gumagaan ang pakiramdam niya kapag pumupunta siya rito.
She patted the head of one
