Ikinahalakhak lang naman ‘yon ng magkakaibigan.
Ang sunod nama’y si Ryan na medyo matino. “Congrats, bro! Binigla mo kami pero ayos lang, ang importante ay masaya ka. Masaya kayo ng bride.”
Lumapit na sila sa table ng Judge at naroon din sa vistor’s chair nakatayo ang daddy ng lalaki. So, this is the Chairman of the great Lorenzo Group of Companies! In fairness, guwapo rin ito kahit na katulad ng daddy ni Meiryn ay mukhang may edad na rin. May pinagmanahan nga talaga ang lalaking pakakasalan niya!
“Son…” marahan pang anito.
“Dad.”
Banayad na tinapik ng ama nito si Grant sa balikat at sandali pang nagyakap ang mga ito, at nang balingan si Meiryn ay banayad din itong nginitian siya, tanda na ibinibigay nito ang basbas nito sa kasalang ito, sa pagpapakasal ng anak nito sa kanya.
She sm
