“Ako na nga lang ho ang bahala sa lahat, dad!” Tuluyan nang nahaluan ng galit sa pinaghalong pagod at lungkot ang tinig ni Meiryn na sinabayan pa ng pagtulo ng kanyang mga luha. “Sasailalim kayo sa heart surgery at kakayanin ko ‘yung gastos! ‘Yung pera naman makikita natin ulit pero ‘yung buhay ninyo, ‘yon ang pinakaimportante sa lahat kung kaya’t dapat lang na maoperahan kayo sa lalong madaling panahon at gagawan ko ng paraan ‘yon. Ako nang hahanap ng paraan at ang bahala sa lahat basta ba gawin niyo lang din ‘yung part ninyo, ang magpalakas at pilit na mabuhay pa ng matagal para sa akin, dad.”
Naluha na lang din ang kanyang ama sa lungkot kasabay ng marahang pagpahid ng mga luha.
Hindi pa natapos ang kalbaryo ni Meiryn lalo pa’t ang huling resort niya’y napag-alaman niyang hindi na rin
