Nakarating na ako sa condo. Bukod sa rest house ni Lola Berry, kinailangan ko pang dumaan sa office ni Lolo J. Medyo nakaka-stress dahil nalaman kong balak ni Daddy na ipasok doon si Steve. Gusto pa talagang hingian ng posisyon sa company na si Lolo at Kuya ang nagpalago.
Pagod ang nararamdaman ko ngayon. Walang kagana-ganang hinila pabukas ang pinto ng condo. Iyong pag-iyak ko sa harap ni Lola Berry, iyong pag-o-overthink ko sa byahe kanina dahil sa 'date' ni Yko at Zaynel, iyong tatay kong makapal ang mukha. Sa maghapong drama ng buhay ko, halos hirap na hirap akong ihakbang ang paa ko papasok ng unit ko.
Pero parang mahikang biglang naglaho ang lahat ng iyon nang makita ko si Yko na nakaupo sa couch. Natutulog ito, sa lap n'ya ay may bouquet, sa parte ng sala ay may mga nagkalat na
