"Susubukan ko. Iyong 'I love you ' n'ya na lang muna ang panghahawakan ko." Iyon ang naiusal ko habang nag-aayos. Pupuntahan ko s'ya sa office, naghanda pa ako ng simpleng lunch para sa kanya.
Nagbilin ako kay Ate Calline sa lakad kong ito. Pinasama naman nito ang dalawang tauhan na laging ready to go sa kahit saang lakad ko para bantayan ako. Magkaiba ang sasakyan namin, pero hindi naman lumalayo ang bantay. Nang makarating sa gusali kung saan ang building ni Yko ay agad kong nakita si Tita Yllna. Baka kapag nilapitan ko'y yayain na naman akong mag-lunch para lang pag-usapan namin kung gaano nito kagusto si Zaynel.
Hindi ako nagpakita, lalo't nakita ko rin ang kasama nitong bumaba ng sasakyan. Agad napawi ang positive energy ko nang makita kung sino iyon.
Simple lang ang ayos nito,
