ILANG beses na niyang nakikitang laging abala sa anumang ginagawa ang asawang si Nickolas. Ayaw naman niyang magtanong dito at baka isipin ay wala siyang tiwala. Pero mag-asawa sila kaya dapat alam niya ang mga pinaggagawa nito.
Sinubukan niyang dumaan sa harapan nito ngunit parang hindi yata siya nakikita. Talagang focus siya sa kanyang ginagawa sa harapan ng laptop. Minsan naman ay umaalis kasama si Jarex at lima pang bodyguard nito. Ano kaya ang pinagkakaabalahan ng asawa na hindi niya alam at ayaw ipaalam sa kanya?
Hanggang isang umaga, natanawan niya si Jarex, kaya agad niyang tinawag ito.
“Ma’am Amirah, magandang araw.”
“Jarex, alam kong loyal ka sa Boss Nick mo pero asawa niya ako. At tinatannong kita ngayon saan ba kayo nagpupunta at laging umaalis?”
“Ahm, d-doon sa bahay na
