MARAMING katanungan ang mga pulis sa naganap na barilan sa mismong loob ng penthouse niya. At lumabas sa imbestigasyon na self defense nga ang nangyari kaya nabaril niya ang bodyguard na si Jomar. Hindi na niya binanggit ang tungkol sa dahilan kung bakit gustong patayin siya.
“Kami na ang bahala sa lalaking ito, Mr. Nickolas Montemayor, tatawagan ka na lang namin sa iba pang mga katanungan.”
“Salamat officer.” at sinara na ni Jarex, ang pintuan.
Wala silang imikan, siya ay tumuloy sa kitchen at naghanap ng maluluto. Samantala kapansin pansin ang malalim na iniisip ng kanyang personal bodyguard na si Jarex.
“Lumapit ka dito, kung may gusto kang kainin ay ikaw na ang magluto para sa sarili mo.”
“Sige, Sir Nick, ako na ang bahala sa sarili ko at pati sa gusto mong lutuin ako na lang ang
