Chapter Twenty
Do I Still Matter?
HINDI agad sumagot si Ryuhan sa hiling ni Jung Ah. Para akong tangang naghihintay sa kaniyang isasagot. “Alam mong bawal na umalis ng palasyo ang mga nain diba?” tanong ni Ryuhan sa kaniya.
Tumawa si Jung ah sa kaniya na tila ba biro ang nadinig nito sa kaniya. “Ngunit sa oras na maglabas ka ng mandato ukol sa isang special na nain na maaring mag-asawa ay pwede naman diba? Gustong- gusto ko si Jangmi, mahal na hari. At hihingiin ko ang kamay n'ya mula sa'yo,” nakangiting giit ni Jung ah sa kaniya.
“Sabagay ay tama ka, isa siya sa maari kong bigyan ng mandato upang makapag - asawa.”
“At saka sa tingin ko, mahal kong hari. Magiging maganda din kung magkakaroon ng kalayaan si Jangmi. Mas magiging masaya siya kasama ako.” pag-sang ayon naman ni Jung ah
