Naguguluhan man si Tamara sa inaasta nito ay tumango na lamang siya at tinanaw ang papalayo na si Wyatt. Nang makaalis si Wyatt ay pinagtuunan na lamang niya ng pansin ang pagkain. Habang kumakain siya ay hindi maiwasan na maisip ni Tamara ang mga kakaiba na ikinikilos ni Wyatt sa kan’ya. Ayaw niya na mag-assume na naman at magkamali na naman ulit ng pakahulugan, pero iba talaga ang nararamdaman niya.
They may be best friends. Pero parang sobra na sa pagiging matalik na magkaibigan ang trato sa kan’ya ni Wyatt, at kahit na si Lou ay napapansin na rin iyon. Pero noon pa man ay gano’n na siya pakitunguhan ni Wyatt, kaya malamang ay hindi niya dapat na binibigyan ng mali na pakahulugan ang mga bagay na iyon. Pero paano kung tama pala ang naiisip niya? Ano ang isasagot niya?
Napahimas na la
