HINANG-HINA ako. Pinipigilan ko si Daxton na huwag mataranta or pagalitan ang chef dahil tingin ko hindi naman iyon dahil sa pagkain niya. Nasa sasakyan na kami at pinagmamadali niya ang driver na ihatid kami sa malapit na private hospital.
"Hindi nga... 'yong cheese. Nasusuka ako sa cheese," nanghihina kong sabi. Nakapikit pa ako at mas lalo yata akong nahihilo dahil sa amoy ng sasakyan pati ang andar nito.
Nakasandal ako sa dibdib ni Daxton habang yakap niya ako. Hinawakan ko ang palad niya at itinakip sa aking mukha.
"Do you want to p**e?" may halong panic na ang boses niya.
Umiling ako at umungol lang. Hanggat maari ayokong magsalita. Lalong sumasama ang pakiramdam ko. Nitong nakaraang araw napapansin ko na hindi na ko natutuwa sumakay sa sasakyan. Lalo na naamoy ko ang air freshen
