BUKOD kay Sir Daxton, isa na si Dave sa nagpapagulo sa utak ko. Wala na kong matinong tulog simula pa ng nagtapat si Sir Daxton hanggang ngayon na si Dave naman ang iniisip ko dahil sa hindi ko inaasahang mensahe niya sa Messenger ko.
Hindi ko tuloy alam kung dapat ba na sinilip ko na lang ang filter message ko o hindi eh. Kaya lang wala na nahagip na ng mata ko iyong pangalan niya. Kumalabog ang puso ko sa kaba.
Kaba na baka nagbabanta siya na kukunin sa akin si Mika.
Dave: Lota, si Dave 'to. Kumusta na kayo? Si Mika? Sorry sa nangyari noon. Sana mapatawad mo ko. Stress lang talaga ako kasi sa dami ng problema noon. Nasa Cebu ba kayo? Sasampa na pala ako sa barko. Gusto ko na sanang makita muna ang anak ko bago ako umalis. Pupuntahan ko kayo. Miss na miss ko na kayo.
Ilang beses kong
