KABANATA 33:
ISA sa pinakamasayang gabi ng buhay ko ay iyong gabi na ‘yon. Nag-propose si Daxton sa akin. Simple lang pero alam kong puno ng sinseridad at emosyonal kami pareho. Bigla lang niyang tinanong at oo ang naging sagot ko.
Binalita namin iyon kay Lola at Lolo. Nagulat sila dahil nabibilisan sa pangyayari pero syempre dahil mahal nila ako ay sumuporta na lang sila sa kung ano mang desisyon ko.
“Mika… may sasabihin si Mama,” tawag ko kay Mika matapos ko siyang suklayan ng buhok.
Walang ibang tao sa kwarto kundi kami lang dalawa dahil sabay kaming naligo at nagbihis.
“Okay!” sabi niya at tinagilid ang ulo para pagmasdan akong mabuti.
Tumikhim ako. Heto na naman. Magsasabi ako. Hindi naman iisipin ni Mika na mabilis ang lahat dahil bata pa siya.
“Kasi… si Mama at si Tito—si ano
