TULIRO ako matapos malaman na pinadalhan ako ng pangpatay na bulaklak. Pinagpahinga ako ni Daxton at pinagbawalan na lumabas muna dahil pinapaimbestigahan niya iyong nangyari.
Agad din namang nalaman na galing iyon sa hindi naman namin kilalang tao at iyon nga isa sa galit sa akin kahit wala naman akong ginagawang masama. Isa siya sa nam-ba-bash sa akin. Balak pang kasuhan ni Daxton pero pinigilan ko lang.
"Hayaan mo na. Nakiusap sa akin ang Lola niya. Naawa naman ako dahil nag-iisang apo niya at nabuyo lang daw ng barkada kaya nagawa niya 'yon. Bata pa naman 'yon. Hayaan mo na," pigil ko.
"She's eighteen. Hindi na bata ang ganoon. She knows how to scare someone! Who knows what she can do and who's her next victim? She should've learned her lesson, Charlotte. You always lose the battle
