NANG makita ni Bornok ang paghinto ng paligid ay si Trixie kaagad ang agad na pumasok sa kanyang isip. Isa itong senyales na may kalaban na narito at kailangan niyang protektahan ito. Napaseryoso siya nang mapatingin sa kanya ang dalaga na unti-unti na ring hindi makakilos. Nakikita niya sa mga mata nito na kinakabahan ito sa pwedeng mangyari kaya nga nang hindi na rin siya makagalaw ay buong puso niyang sinabi sa kanyang sarili na kailangang malabanan niya ito.
“Ang lakas ng kapangyarihang ito… Hindi ito kagaya ng sa Night na iyon,” sabi ni Bornok sa sarili at tuluyan na nga niyang hindi na rin naigalaw ang kanyang katawan. Isang matangkad na lalaki na nga lang ang nakita niyang pumasok sa loob ng resort at ngising-ngisi ito na naglakad papunta sa kanila habang may hawak na patalim sa
