DAY 14.
Isang private resort na pagmamay-ari ni France sa medyo malayong bayan mula sa kabisera ng probinsya ang binigay niyang matutuluyan nina Lady Mirage. Iyon ang lugar na nakikita niyang magiging ligtas sila mula sa mga taga-Lust World dahil malayo ito sa kabayanan na maraming tao at malaking bagay rin ang itim na porselas na ibinigay niya sa mga ito. Tiniyak din niyang hindi basta-basta masusundan ng mga alagad ni Heath ang mga ito matapos niyang pabalikin na ang mga ito sa Lust World matapos sindakin ang mga ito gamit ang kanyang taglay na lakas.
Hindi niya inaasahan na may papasukang ganitong sitwasyon si Lady Mirage sa mundo ng mga mortal. Ang pagkakaalam niya kasi ay lumayo na ito sa mga bagay na may koneksyon sa dati nilang tinitirhang mundo.
“Kung sabagay, kaibigan
