SA LABAS ng private resort na ito ay may isang maliit na pamayanan mga ilang minuto ang lakad bago marating iyon. Halos lahat ng nakatira rito ay taga-rito na talaga magmula nang ipinanganak sila. May isa ring resort dito para sa mga dayo, kaso, hindi naman ganoon karami ang pumupunta rito dahil sa layo ng lugar na ito mula sa sentro. Marami rin kasing kwento-kwento na marami raw ritong masasamang loob na sa totoo lang ay gawa-gawa lang naman ng mga kalabang resorts sa ibang mga lugar sa munisipyong ito.
Ang nagbabantay naman ng property na ito ni France ay ang kanyang kaibigang mortal na si Lolo Terio na una niyang nakilala noong nakapunta siya sa mundong ito. Siya nga ang dahilan kaya naging ganito ang buhay ng matanda sapagkat ito ang unang nagbigay sa kanya ng pagkain noong siya ay
