SA KABILA ng nangyari kay Sir France, hinanapan pa rin nga niya ng babaeng mahahawakan si Bornok kinahapunan. Napagpasyahan muna niyang lumipat silang dalawa ng ibang matutuluyan. Ayaw niyang magtagal sa bahay niya mismo dahil mas mahihirapan siyang magtago kapag narito. Isa pa, may mga mortal din siyang kasama rito na kailangang hindi madamay sa mga bagay na iyon.
Isa na namang bahay sa kagubatan ang pinagdalhan ni France kay Bornok. Ngayon nga ay kakatapos lang nilang kumain ng hapunan at dito na rin niya muling inulit sa binatang kasama niya na kailangan nilang magawang tapatan si Heath sa oras na magkaharap-harap sila. Tango lang naman ang nasabi ni Bornok kasi, naiisip pa rin niya ang kaligtasan ni Trixie. Ni hindi nga nabalitaan ng mga ito ang nangyari kay Sir France.
“Mas mabuting
