NANG magising si Bornok ay napatingin siya sandali sa orasang nakasabit sa dingding. Napahikab pa nga siya at napa-upo nang maayos sa kanyang nakatulugang pwesto.
“Tanghali na pala…” sabi ni Bornok na tumayo na rin para papunta sa kusina upang uminom ng tubig.
“Wala pa yata si sir France ah?” ani pa nito na nagtingin naman kung may pagkain na ba, kaso wala pa. Napakuha na nga lang muna siya ng tinapay sa lalagyanan nila sa kubong ito. Nagtimpla muna siya ng kape at dito ay kumain na nga siya ng tinapay. Medyo may kaunting sakit na nararamdaman siya sa kanyang mga hita dahil sa ginawa niya kanina, pero mukhang kaya na naman niya ito.
Natapos na siya sa pagkakape at lumabas muna siya ng bahay para lumanghap ng sariwang hangin. Nakita na naman nga niya ang bumagsak na puno kanina at napase
