NAYANIG ang paligid nang isang malaking puno sa likuran ni France ang bigla na lang natumba. Ngayon nga ay napaseryoso na lang siya ng tingin kay Bornok at wala siyang ibang nagawa kundi ang mapalunok ng laway dahil sa nangyari.
“Paano mo ginawa iyon?” bulalas ni France na agad na lumapit kay Bornok.
“P-po? S-sabi ninyo ibato ko nang malakas,” sagot naman ng binata na hindi rin naman makapaniwala sa kanyang nagawa. Ngayon nga ay nasa harapan na sila ng bumagsak na puno at nang tingnan nila kung nasaan ang bolang bakal ay napaseryoso na naman silang dalawa.
Nakabaon pa ang bolang iyon sa isa pang malaking puno at may kaunting pinsala rin itong nagawa roon. Si France ay napatingin naman sa bumagsak na isang puno at nakita niya kung paano winasak ng pagbato ni Bornok ang katawang
