NANG IMULAT ni Bornok ang kanyang mga mata ay parang nasilaw pa siya sa liwanag na nagmumula sa itaas. Ilaw iyon na nagmumula sa bumbilyang nasa itaas. Napahawak siya sa kanyang noo at marahang hinilot ang sintido niya pagkatapos. Napatingin nga siya sa kanyang gilid at naroon si Trixie na naka-ub-ob at ang kamay nilang dalawa ay magkapatong nang oras na iyon. Sandali siyang napangiti roon at pakiramdam niya ay ito ang naging dahilan kaya siya nakaligtas mula kay Heath.
“Gaano katagal na kaya akong natutulog?” tanong niya sa kanyang sarili at nakaramdam nga siya ng pagkalam ng kanyang sikmura nang oras na iyon. Marahan siyang bumangon at nakita niya ang paggalaw ni Trixie na pagkatunghay ay walang ibang ginawa kundi ang siya ay gawaran ng isang mainit na yakap.
“S-sa wakas, nagising ka n
