DALAWANG araw pa ang lumipas at naging tahimik ang mga sandali na iyon. Sinabi nga ni Bornok kay France na hindi siya mamamatay kapag si Trixie ay naging mortal, ay hindi naman nito paniwalaan. Ang tungkol naman sa kung sino siya ay ipinagpaliban muna niyang aminin sa kuya niya at sa araw na lumipas ay parang wala nang mangyayaring masama sa kanila. Ngunit para naman kay Bornok at France ay mas lalong hindi ito maganda dahil maaaring nasa isang masusing paghahanda si Heath kaya wala pa ito. Ang mga ganitong panahon ay ang mas nakakatakot kasi parang ito ay tulad ng isang pagbuwelo na kapag nagsimula ay mas magiging delikado.
“Palagay mo kuya, narito na kaya si Heath sa mundo natin?” seryosong tanong ni Bornok kay France na kasalukuyang naninigarilyo habang pareho silang nakatayo sa tabing
