“Ano na po bang balita kay Vinnea, Ninong? Umusad na po ba ang paghahanap ng mga tauhan niyo roon sa Chicago?” sunod-sunod na tanong ko mula sa kabilang linya bago ko pa makalimutan ang sadya ko kay Ninong Sky kung bakit ko siya tinawagan sa telepono.
Kagabi pa kami kating-kati ni Fire na magtanong ng update sa kaniya. Paano, isang linggo na ang nakakaraan ngunit wala man lang siyang tawag. Wala man lang siyang update kung nahanap na ba siya. O kung ano man na malaman nila na magpapalubag ng aming nararamdaman.
“As of today, wala pa ring balita sa kaniya, hijo. I’m so sorry to tell you pero wala pa rin silang nire-report sa akin. Pabalik-balik sila sa mga parteng pinuntahan ni Vinnea sa Chicago ngunit ni anino niya ay wala silang nakita. Marahil, hindi na muna lumabas si Vinnea. Marahil
