Vinneah's POV
Hindi rin nagtagal sa poder namin si Cresia. Umalis siya pagkatapos ng isang linggo. Wala siyang sinabi kung saan siya pupunta, basta ang paalam niya sa kambal ay pupunta siya sa isang lugar kung saan may katahimikan ang kaniyang isip. Ayaw na raw niyang maging sanhi ng pag-aaway ng kaniyang Kuya Wind at fiancee nito. Muntik na kasing makunan ang babae kaya naman siya na ang kusang lalayo sa tukso.
Nalulungkot ako para sa kaniya dahil kung tutuusin, si Wind dapat ang gumawa ng paraan para maging maayos na ang lahat. Tapos ang Daddy at Mommy nila ay dapat ng umamin na ampon lang si Cresia. Baka matuwa pa si Cresia kapag nalaman niyang hindi sila magkapatid ni Wind. Siya naman ang pinili ni Wind against his fiancee kahit pa nga ang alam nito ay magkapatid sila.
“Nalulungkot
