Tulog na si Landa pero si Nica ay gising pa. Pinag-iisipan pa rin niya ang tungkol sa bata. Pero hindi rin nagtagal ay dinalaw na rin siya ng antok.
Ngunit nasa kababawan pa lang siya ng kanyang tulog nang naalimpungatan ulit siya dahil parang naramdaman niyang may nagbukas ng pinto. Biglang dilat ang kanyang mga mata.
Napakunoot-noo siya na napakislot. Pero dahil nakatagilid siya ay 'di niya makita kung sino ang pumasok. Wala naman siyang lakas-loob na lingunin ito. Lalo na nang maramdaman niya ang mahihina pero parang mabibigat na yabag. Tumahip ang matinding kaba sa dibdib ni Nica, nanlalaki ang kanyang ulo. Dahil sigurado siyang ni-lock ni Landa ang pinto kanina. Paano't nakapasok ang nilalang kung sino mang nilalang na ito?
Tumindi pa ang takot niya nang maramdaman niyang parang pa
