Nagmamadaling bumaba silang lahat mula sa taas ng bahay. Inalalayan ni Nica si Riza na parang wala na sa sarili sa mga nalaman. Habang si Landa naman ay si Yuri na patuloy ang pag-iiyak sa matinding pag-alala sa anak.
Pupuntahan nila sa Realyn bago pa mahuli ang lahat.
Pero bago pa man sila makalabas ay naramdaman ni Nica ang pagpigil sa kanya ni Mark.
Pinauna nila ang tatlo.
"Bakit?" takang tanong ni Nica kay Mark.
"Sa tingin ko Nica iba ang gusto ng bata" anang binata na seryosong seryoso.
Nakagat niya ang pang-ibabang labi niya. Alam niya ang ibig ipahiwatig sa kanya ni Mark. Pero kaya niya ba? At ang mas tanong kaya ba ni Mark? Dahil siguradong ito ang mas maapektuhan kapag ibibigay nila ang gusto ng bata.
Matagal silang nagtitigan.
"Ito lang ang tanging paraan para matigil na
