"Jaime?! Ba't di ka pa umaakyat?" boses ni Aling Maria mula sa taas ng hagdan nila.
Napataas ng tingin si Mang Jaime. Namumutla ang mukha nito at pinagpapawisan ng malapot. Nang ibalik ang tingin niya sa nagmumultong bata ay wala na ito sa kinatatayuan.
Napalunok si Mang Jaime. Para siyang nanghina. Nag-umpisang mag-alala siya sa anak na si Nica.
Diyos ko, huwag naman sana ito idamay ng bata!
"Jaime? Bakit? Anong nangyayari sa 'yo?" nagtatakang tanong ni Aling Maria nang makalapit ito sa balisang asawa.
Pinakalma muna ni Mang Jaime ang sarili.
"Ano bang nangyayari sa 'yo?"
"K-kunin mo 'yung cellphone Maria, tatawagan ko ang anak natin. Nanganganib ang buhay niya!!" madiing utos ni Mang Jaime sa asawa nang medyo nakakahinga na siya nang maluwang.
Hindi na nagtanong pa ang ali, agad
