"Anong kailangan ko? Buhay ng taong pumatay sa 'kin!!!" nakakatakot na sigaw ng batang multo na si Kim na hindi bumubuka ang bibig. Tila ba ay nanggagaling sa malalim na balon ang tinig nito. Nakakakilabot. Ta's nanlilisik ang mga mata na tumitig kay Riza. Kasabay ng paggalaw ng paligid. Nayanig ang nagyeyelong sahig ng kinaroroonan nila.
Halos magkatumbaba sina Mark at Riza. Si Nica ay mahigpit na niyakap si Realyn.
"Anak tama na!" palahaw ni Riza na humahagulhol ng iyak.
Pagkuwa'y biglang nanahimik ang sobrang malamig na paligid. Nakiramdam sila at unti-unti mga nag-angat ng ulo.
"Nica, okay lang kayo d'yan?!" tanong ni Mark kay Nica, nakaalalay ito kay Riza .
Kay Riza na parang nababaliw na hinanap ang anak "Kim?! Anak?! Asan ka?"
Doon lang napansin nina Mark at Nica na wala na
