Marahan kong isinara ang pinto at lumakad palapit kay Master na nakaupo sa tabi ng kama. Nasa harap niya ang adult walker at palagay ko'y wala pa siyang balak matulog.
Napansin kong nakamedyas na siya ngunit hindi naman nakasuksok yung step in sa paa niya kaya nung nakalapit ako ay isinuksuk ko sa paa niya yung step in.
Pag ngiti ng matipid ang kanyang naging sagot pagkatapos kong isuot sa kanya ang step in.
"Master hindi ka pa matutulog?" Tanong ko at umupo sa upuan na malapit sa may mesa.
Umiling lang siya at saglit na lumingon sa akin pagkatapos ay bumaling na siya sa bintana.
Nabalot ulit kami ng katahimikan ng mga ilang minuto. Nilibot ko na lang ang tingin sa buong kwarto. At doon sa nakasabit na mga litrato ako bumaling. Mga litrato ni Master noong kabataan niya na kasama niya
