Nang malaman ni Paulina ang nangyari sa kaniyang ina at kapatid ay agad na itong nag-impake ng mga damit para umalis ng bansa. Mabuti na lamang at lagi siyang handa, bago pa man ang insidente ay nakapagpa-book na siya ng plane ticket pabalik ng America. Dahil wala namang naisampang kaso laban dito si Rafa at hindi napatunayan na kasabwat ito nila Diana at Gabriel ay malaya itong nakalabas ng bansa na walang pumipigil sa kaniya.
Dismayado naman si Rafa dahil sa masamang ibinalita sa kaniya ng mga pulis. Nanlaban daw si Gabriel bago pa maisakay sa sasakyan. Nagawa itong pigilan ng mga pulis at nadaplisan ito ng bala sa balikat ngunit nakatakas parin ito.
"Paano na 'yan, ano ang gagawin natin?Hangga't hindi nahuhuli si Gabriel ay delikado tayo," nag aalalang tanong ni Victoria.
"Don't worr
