"Wala ka pa bang boyfriend, Athena?"
"Ho?!" Nagulat siya sa tanong na iyon ni Victoria. Itinigil niya ang paghahalo sa nilulutong ulam at ibinaling ang tingin kay Victoria. "Wala pa po akong boyfriend," tugon niya.
"Huh! Bakit naman? Iyang ganda mong 'yan, bulag na lang talaga ang lalake na hindi magkakagusto sa 'yo." ani Victoria.
"May mga nanliligaw naman po kaya lang wala sa kanila ang gusto ko."
"Sayang, kung wala lang girlfriend ang anak ko ay irereto kita sa kaniya. Bagay na bagay sana kayo."
Ngumiti na lang si Athena at hindi na umimik. Ayaw na niyang pahabain ang usapan tungkol kay Rafa at sa girlfriend nito.
Sa pangalawang pagkakataon ay inimbitahan na naman siya ni Victoria sa mansiyon. Kaarawan ni Rafa ngayon at gusto nitong sorpresahin ang anak. Nagluto ito ng mga pabori
