Nagpahid ng tama lang sa dami ng liptint si Athena sa kaniyang labi bago pinagmasdan ang sarili sa salamin. Nakabihis na siya at nakahanda para sa lakad nila ni Gabriel. Hindi siya nagmadali kahit sinabihan na siya ng isa sa kaniyang mga kasambahay na nasa ibaba na ang kaniyang inaasahang bisita at naghihintay sa kaniya. Ang totoo ay sampung minuto na ang binata sa sala.
Kinuha niya ang sling bag sa drawer at ipinasok doon ang ilang mahahalagang bagay na dadalhin gaya ng wallet, cellphone, face powder, lipstick, hand sanitizer at facial tissue. Nang makasigurado na wala ng nakalimutan ay lumabas na siya ng silid.
Normal lang naman ang pakiramdam niya, wala siyang nadaramang tensiyon kahit na makikipag-date siya ngayon.
"I'm sorry kung naghintay ka nang matagal!"
Agad napatayo si Gabrie
