ISANG off shoulder type wedding gown ang napili ni Ninia sa dami ng naggagandahang gowns ni Michael. Katamtaman lamang ang yari ng neckline niyon kaya komportable siya. Hindi kasi siya sanay magsuot ng mga damit na halos lumabas na ang kanyang kaluluwa. Ang manggas ay yari sa sobrang nipis na nylon mesh na kakulay halos ng kanyang balat. Sa malayuan ay hindi iyon mahahalata. Simpleng-simple ang gown na hindi kagaya ng mga tipikal na damit pangkasal na tadtad ng burloloy. 'Yung napili niya ay sa top part lang puno ng beads pero ang bandang skirt ay plain satin with mesh na may malaking ribbon sa likuran ng baywang. Napakasimple pero napaka-eleganteng tingnan.
"Perfect!" maarteng wika ni Michael na napapalakpak pa. "Siguradong ikaw ang pinakamagandang bride sa araw na 'yon, Ninia." Napigil
