ALEXIS
NAALIMPUNGATAN siya alas tres ng madaling araw. Bumiling siya sa kinahihigaan at kinapa sa tabi si Ninia pero nagulat at tuluyan siyang nagising nang muntikan na siyang mahulog. Napadilat siya dahil hindi kama ang kanyang kinahihigaan. Nasa sofa siya at wala sa villa nila ni Ninia bagkus ay nasa ipinagagawa niyang bagong villa nila. Nangunot ang noo niya dahil doon. Anong ginagawa niya rito? Bumangon siya at umupo sa sofa. Nasapo niya ang ulo dahil bahagyang kumirot iyon kaya ipinilig niya habang salubong ang kilay. Pinilit niyang maalala kung paano siya napunta rito at nakatulog pa siya. Tahimik siyang nag-isip. Noon pumasok sa ala-ala niya na nagpaalam nga pala siya kay Ninia kagabi na ihahatid ang mga staff niya sa bukana ng resort dahil babalik na ng San Miguel ang mga ito. Pab
